चितवनमा जहाज उडाउने सरोज चेपाङलाई भेट्न अमेरिकाबाट पाइलट आए, सरोज चकित (भिडियो)

काठमाडौँ । आफैले जहाज बनाएर उडाएका चितवनका सरोज प्रजा (चेपाङ) लाई भेट्न एकजना पाइलट अमेरिकाबाट उनको घरसम्म पुगेका छन् । सरोजका लागि ती पाइलटको दशैँ लगत्तैको आगमन निकै सरप्राइज बन्यो । उनलाई भेट्न एकजना जहाज बनाउने पाइलट घरमै पुगेपछि सरोज चकित परे । देशमै केही गर्ने दुबैजनाको सोच रहेको र आपसमा एकअर्काको पूरक हुन सकिने भावना एकअर्कामा उनीहरूले साटासाट गरेका थिए ।

अमेरिकामा आफैले जहाज बनाएर उडाएका नेपाली पाइलट प्रमोद रेग्मी र चितवनमा आफैले प्यारामोटर बनाएर उडाएका सरोज प्रजा (चेपाङ) बीच भेट भएको हो । आफ्नो सीप, अथक मेहनत र बेजोड संघर्ष गरेर आफैले बनाएको विमानमा आकाशमा उडेका दुईजना प्रतिभाबीचको भेट जुराउएका हुन् महाविर पुनले ।

चितवनमा पुगेर सरोजलाई उनकै घरमा भेटेका प्रमोदेले भने- ‘सरोजजस्ता प्रतिभालाई राज्यले कसरी प्रोत्साहन दिने र उनीहरूको सीपबाट देशले फाइदा लिने विषयमा खासै चासो दिएको जस्तो लागेन । सरोजले उडाएको जहाजको विजोग अवस्था देखेर मलाई निकै नमज्जा लाग्यो । नेपालमा प्रतिभाको कमी छैन, तर प्रतिभाहरू त्यसै खेर गएका छन् । सरकारले सरोजजस्ता प्रतिभाहरूलाई चिनोस्, मेरो यही अपेक्षा छ।’पाइलट प्रमोद सरोज चेपाङको घरमा पुग्दा जे देखियो… हेर्नुस् यो भिडियोः